काठमाडौं। जापानमा मानव तस्करीको आरोपमा अनुसन्धान भइरहेका कोशी प्रदेशका पूर्वमन्त्री लिलाबल्लभ अधिकारीलाई अदालतले थप पाँच दिन हिरासतमा राखेर अनुसन्धान गर्न अनुमति दिएको छ।
यसअघि सात दिनको म्याद सकिएपछि जिल्ला प्रहरी परिसर काठमाडौंले अधिकारीलाई जिल्ला सरकारी वकिलमार्फत अदालतमा पेश गरेको थियो। अदालतले थप अनुसन्धान आवश्यक भएको भन्दै पाँच दिनको म्याद थप गर्ने निर्णय गरेको हो।
पूर्वमन्त्री अधिकारीमाथि मानव तस्करीमा संलग्न रहेको आरोपमा प्रहरीले गहिरो अनुसन्धान गरिरहेको छ। जापानमा मानव तस्करीको घटनामा उनको भूमिकाबारे थप प्रमाण संकलन गर्न प्रहरी सक्रिय रहेको छ।
उक्त मुद्दाले नेपालको राजनीतिमा ठूलो चर्चा पाएको छ भने मानव तस्करीजस्ता गम्भीर अपराधमा संलग्नता सम्बन्धी छानबिनले सबैको ध्यान खिचेको छ।
- Jigyasa media
