काभ्रे । 

 विपद्‌को छायाँमा दुर्गा बहादूर

काभ्रे जिल्लाको खानिखोला गाउँपालिका वडा नम्बर ७ चेमोनडाँडा शान्त गाउँ जसले आफ्ना बासिन्दाहरूको संघर्ष र साहसको अनगिन्ती कथाहरू बोक्दै आएको छ। यस्तै एउटा कथा छ दुर्गा बहादुर गोलेको, जसको जीवन अचानक एक विपत्तिको छायाँमा डुबेको छ।

वर्ष ५४ का दुर्गा बहादुर गोले, जो आफ्नो दैनिक गोठालो जान्थे, भदौ ५ गतेको दिन उनको जीवनलाई अनपेक्षित मोडमा लग्यो। उनले त्यो दिन एक सामान्य जस्तो देखिने काम गर्दा, आफ्नो खुट्टाबाट फिसल्दा भिरबाट तल खसे। यस घटनाले उनको हात खुट्टा, टाउको, घाँटी, करङ र ढाडको मेरुदण्ड भाँचियो। अहिले, उनी काठमाडौँको बीएनबी अस्पतालमा उपचाररत छन्, जहाँ उनी जीवन र मृत्युबीचको संघर्ष गरिरहेका छन्।

उनको उपचारका लागि, परिवारले जे–जति जम्मा गरेको थियो, त्यो सबै सर्जरीमा खर्च भइसकेको छ। यद्यपि, अझै पनि उनको उपचारको लागि ठूलो रकम आवश्यक छ, विशेषगरी हात खुट्टा र मेरुदण्डको थप शल्यक्रियाको लागि। यस कठिन समयमा, परिवारको आर्थिक अवस्था अत्यन्तै नाजुक भएको छ, र उनीहरूले सारा देश तथा विदेशमा रहेका मनकारी नेपालीहरूलाई सहयोगका लागि अपिल गरेका छन्।

 खानीखोला गाउँपालिकाका विपद्‌ व्यवस्थापन संयोजक तथा वडा नं ७ का वडा अध्यक्ष रामबहादुर मोक्तानले पनि यस अवस्थामा गाउँपालिकालाई केही आर्थिक सहयोग गर्न प्रस्ताव गरेका छन्। उनले भने, "हामीले गाउँपालिकालाई सहयोगका लागि प्रस्ताव गरिसकेका छौं। यो बेला दुर्गा बहादुर गोलेको जीवन बचाउन सहयोगको खाँचो छ, र म सबैलाई  सहयोग गर्न हार्दिक अपिल गर्छु।"

गाउँको जनजीवन सहज छैन। यो गाउँले सँधै विपत्तिहरूसँग जुध्नुपरेको छ, चाहे त्यो प्राकृतिक प्रकोप होस्, चाहे आर्थिक संकट। तर यहाँका मानिसहरूका बीचको एकता र सहायताको भावना अडिग छ। दुर्गा बहादुरको परिवारका लागि यो एउटा भयानक समय हो । 

यो सन्देश केवल दुर्गा बहादुरको परिवारको होइन, यो सन्देश एउटा सिंगो गाउँको छ, जसले आफ्नो सदस्यलाई बचाउन विश्वभरिका सबै नेपालीहरूलाई सहयोगको अपिल गरेको छ। गाउँको संघर्ष, साहस, र एकताको यो बलमा दुर्गा बहादुर पूर्ण रुपमा नीको भएर गाउँ फर्काउन गाउँलेहरू लागि परेका छन् ।  जहाँ विपत्ति आए पनि मानिसहरू एकसाथ जुध्न तयार छन्। 

यदि तपाईंसँग सहयोगको भावना छ भने, तलका नम्बरमा सिधै सम्पर्क गरी सत्यतथ्य बुझ्न सक्नुहुन्छ र QR वा खातामा रकम पठाएर सहयोग उपलब्ध गराउन सक्नुहुन्छ।

**सरोज गोले **(छोरा )

**खाता नंबर** : 039011210000211

**सम्पर्क नम्बर**९८६७८१९३७०

सानिमा बैंक

अर्को खाता

**खाता धनीको नाम**: रेमन तामाङ  

**बैंक खाता नम्बर**: 0480100001587017  

**बैंक**: सिटिजन्स बैंक  

**सम्पर्क नम्बर**: 9818373735  

**बिरामीको नम्बर**: 9851337586 (रबिन वाइबा)

कृपया सहयोग गर्नुहोस् यो एउटा मौका हो, जहाँ तपाईंसँग दुर्गा बहादुरको जीवनलाई नयाँ आशा दिने अवसर छ। 

• Jigyasa media