जाजरकोट ।
जाजरकोटको बारेकोट गाउँपालिका–५ पाखा गाउँमा अरिंगालको टोकाइबाट ४२ वर्षीय पृथ्वी विक्रम शाहीको मृत्यु भएको छ। शुक्रबार राति घर नजिकै रहेको रुखमा अरिंगाल पोल्न गएका शाहीलाई अरिंगालले टोकेको थियो। घाइते भएका शाहीलाई तत्कालै उपचारका लागि आधारभूत अस्पताल लिम्सा लगिएको थियो, तर त्यहाँ उपचार सम्भव नभएपछि उनलाई नलगाड नगर अस्पतालतर्फ लैजाँदै गर्दा बाटोमै मृत्यु भएको हो।
जिल्ला प्रहरी प्रमुख डीएसपी पुरुषोत्तम प्रसाद पाण्डेका अनुसार मृतक शाहीको शव पोष्टमार्टमका लागि जिल्ला सदरमुकामतर्फ ल्याइएको छ।
यो घटना अरिंगालको टोकाइको कारणले हुने गम्भीर जोखिमको उदाहरण हो, जहाँ समयमै उचित उपचार नपाउँदा ज्यान गुमाउनु परेको छ।
- Jigyasa media
