आठबिसकोट । मध्यराती आएको बाढीका कारण रुकुम पश्चिमको आठविसकोट नगरपालिका वडा नम्वर १२ को झिन्चौर स्थित बगरमा पर्ने तातोपानी र झिन्चौर खोलाको बाढीले घर बगाउँदा  मृत्यु भएका तिन बालिकाको शव निकालिएको हो । 

बाढीमा परेर  माटोमा पुरिएका सोही वडाका १० बर्षिया हितमाया पुन, आठ वर्षिया धनसा पुन र चार बर्षिया मनिषा सार्कीको शव निकालिएको आठबिसकोट नगर प्रहरी प्रमुख निरज विकले जानकारी दिए । 

बाढीले घर बगाएपछी बेपत्ता भएका स्थानीय ४० बर्षिय डिल्ली बहादुर बुढाथोकीको खोजी कार्य भईरहेको प्रहरीले जनाएको छ ।उक्त क्षेत्रमा  लेदोसहितको बाढीले घर पुरिएको छ । अहिले डोजर लगाएर लेदो हटाउने तयारी भईरहेको छ । 

बाढीमा परेर घाइते सात जनाको नगर अस्पतालमा उपचार भैरहेको छ । घाइते हुनेहरुमा स्थानीय १२ वर्षिय बिनय सार्की, २२ वर्षिया मनिषा पुन, २९ वर्षिय जनक खत्री, ६ वर्षिया मनसरी पुन, चार वर्षिय मेक्सन पुन, २८ वर्षिया धनमाया पुन र ६५ बर्षिया कल्पना कामी रहेका छन्।

• Jigyasa media