काठमाडौं, कात्तिक २७ - ज्यान मार्ने उद्योगमा दोषी ठहर भएपछि पूर्वमन्त्री एवम् गण्डकी प्रदेशसभा सदस्य राजीव गुरूङ, उर्फ दीपक मनाङे, डिल्लीबजार कारागार चलान भएका छन्। उनलाई मंगलबार बिहान सानोभर्याङस्थित कम्फर्ट हाउजिङमा केन्द्रीय अनुसन्धान ब्युरो (सीआईबी) को टोलीले नियन्त्रणमा लिएको थियो।
प्रहरी प्रवक्ता होबिन्द्र बोगटीका अनुसार, पक्राउपछि मनाङेलाई काठमाडौँ जिल्ला अदालतमा पेस गरियो। अदालतले पाँच वर्ष कैद सजायको फैसला कार्यान्वयन गर्न आदेश दिएपछि उनलाई डिल्लीबजार कारागार पठाइएको हो।
२०६१ सालमा मिलन गुरुङ, उर्फ चक्रे मिलनमाथि खुकुरी आक्रमणको घटनामा अदालतले मनाङेलाई दोषी ठहर गर्दै दुई वर्ष जेल सजायको फैसला गरेको थियो। पछि उच्च अदालत पाटनले उक्त सजायलाई उल्ट्याउँदै पाँच वर्षको जेल सजाय सुनाएको थियो, जुन सर्वोच्च अदालतले गत साता पुनः सदर गरेको थियो।
- Jigyasa media
