दमक, मंसिर २ – झापाको दमक नगरपालिका-३ दीपज्योति टोलका ४५ वर्षीय मीनबहादुर भण्डारीको हात्तीको आक्रमणमा परी मृत्यु भएको छ।
आज बिहान छिमेकी सुविन भट्टराईको घरमा हात्तीले क्षति पुर्याउन थालेपछि भण्डारीले हात्तीलाई धपाउन खोज्दा उनी आक्रमणमा परेका हुन्।
जिल्ला वन कार्यालयका प्रमुख मेघराज राईका अनुसार भण्डारीको घटनास्थलमै मृत्यु भएको पुष्टि भएको छ।
यसप्रकारको घटना रोक्न स्थानीय प्रशासनले हात्तीलाई नियन्त्रण गर्न थप सतर्कता अपनाउने योजना बनाएको छ। ग्रामीण बस्तीमा हात्तीको आक्रमणको समस्या बढिरहेकोले वन्यजन्तु व्यवस्थापनमा विशेष पहल गर्नुपर्ने स्थानीयले माग गरेका छन्।
- Jigyasa media
