असोज ९, २०८२ बिहीबार — काठमाडौं
आज देशभरको मौसम फेरि बदली हुने देखिएको छ। मौसम पूर्वानुमान महाशाखाले दिएको पछिल्लो तथ्यांकअनुसार, बिहीबार दिउँसो र राति पनि देशका विभिन्न पहाडी क्षेत्रमा मध्यमदेखि भारी वर्षा हुने सम्भावना रहेको छ।
महाशाखाले बिहान ६ बजे सार्वजनिक गरेको बुलेटिनअनुसार:
🔹 दिउँसो : देशका पहाड भेगमा सामान्यतया बदली रहनेछ भने बाँकी भूभागमा आंशिक बदली हुनेछ।
कोसी, बागमती र गण्डकी प्रदेशका पहाड भूभागका केही स्थानमा,
लुम्बिनी र कर्णाली प्रदेशका पहाड भूभागका थोरै स्थानमा
साथै बाँकी भूभागका एक–दुई ठाउँमा मेघगर्जन/चट्याङसहित मध्यम वर्षा हुने प्रक्षेपण गरिएको छ।
त्यसमा पनि कोसी र बागमतीका पहाडी भूभागका एक–दुई स्थानमा भारी वर्षा हुने सम्भावना छ।
🔹 राति : देशका पहाड भेगमा आंशिक बदली रहनेछ भने अन्य भूभागमा मौसम सामान्यतया सफा हुनेछ।
तर, कोसी, बागमती र गण्डकीका पहाड भूभागका थोरै स्थानमा मध्यम वर्षा हुने अनुमान छ।
वर्षाको मापदण्ड
मौसमविद्हरूका अनुसार:
१० मिलिमिटरभन्दा कम पानीलाई हल्का वर्षा,
१०–५० मिलिमिटरलाई मध्यम वर्षा,
५०–१०० मिलिमिटरलाई भारी वर्षा,
१००–२०० मिलिमिटरलाई धेरै भारी वर्षा,
२०० मिलिमिटरभन्दा बढी पानीलाई अत्यधिक भारी वर्षा भनिन्छ।
वर्षा हुने सम्भावनाको परिभाषा
एक–दुई स्थान : सम्बन्धित प्रदेशको १०% भन्दा कम क्षेत्रफलमा वर्षा
थोरै स्थान : १०–३०% क्षेत्रमा वर्षा
केही स्थान : ३०–५०% क्षेत्रमा वर्षा
धेरै स्थान : ५०–८०% क्षेत्रमा वर्षा
अधिकांश स्थान : ८०% भन्दा बढी क्षेत्रमा वर्षा
सतर्कता
वर्षासँगै पहाडी क्षेत्रका नदी–नाला बढ्ने, पहिरो र सडक अवरुद्ध हुने सम्भावना भएकाले सतर्क रहन मौसमविद्हरूले आग्रह गरेका छन्।
-
Jigyasanepal
