काठमाण्डौ । अमेरिकी पूर्वराष्ट्रपति डोनाल्ड ट्रम्पमाथि फेरि हत्या प्रयास भएको छ। आगामी राष्ट्रपतिको चुनावको तयारी गरिरहेका ट्रम्प आइतबार फ्लोरिडा स्थित आफ्नो गोल्फ क्लबमा खेल्दै गर्दा उनीमाथि आक्रमणको प्रयास भएको हो।
अमेरिकी अधिकारीहरूका अनुसार, गोली चलाउने संदिग्धलाई सिक्रेट सर्भिसका एजेन्टहरूले घटनास्थलबाट नियन्त्रणमा लिएका छन्। घटनास्थलमा एके-४७ हतियार, दुईवटा ब्याकप्याक र एक गोप्रो क्यामेरा फेला परेको छ।
यस घटनापछि ट्रम्पले आफ्नो समर्थकलाई इमेल मार्फत सन्देश पठाउँदै आफू सुरक्षित रहेको जानकारी दिएका छन्। उनले भनेका छन्, "यस्ता आक्रमणहरूले मलाई रोक्न सक्दैनन्, म हार मान्दिनँ।"
यो पहिलो पटक होइन, ट्रम्पमाथि यसअघि पनि पेन्सिलभेनियामा आयोजित एक र्यालीमा गोली प्रहार भएको थियो।
- Jigyasa media
