काठमाडौं — गोकर्णेश्वर नगरपालिका-६, नयाँ बस्तीमा मंगलबार एक व्यक्तिको कुटपिटपछि हत्या भएको छ। घटनामा संलग्न भएको आरोपमा तीन जना पक्राउ परेका छन्। पक्राउ पर्नेमा पाँचथरका अमृत मगर, सिन्धुपाल्चोकका भुवन श्रेष्ठ, र इलामकी विमला भट्टराई रहेका छन्।
प्रहरीले सुर्खेतका ४३ वर्षीय होमबहादुर फौजामगरलाई अचेत अवस्थामा फेला पारेपछि अस्पताल पुर्याएको थियो, जहाँ उपचारको क्रममा उनको मृत्यु भएको पुष्टि भएको थियो। कुटपिटमा संलग्नको रुपमा तीन जनालाई नियन्त्रणमा लिएर प्रहरीले अनुसन्धान सुरु गरेको छ। हत्याको कारण भने खुल्न बाँकीछ।
- Jigyasa media
