हेटौंडा, चैत २० – रौतहटको गौरबाट काठमाडौं जाँदै गरेको जिप मकवानपुरको इन्द्रसरोवर गाउँपालिका–२, बतासेमा दुर्घटना हुँदा १० जना घाइते भएका छन्।
भीमफेदी–कुलेखानी–सिस्नेरी सडकखण्डमा गुडिरहेको ना १ ज ५४८५ नम्बरको जिप ब्रेक फेल भई सडकबाट करिब १०० मिटर तल खोल्सामा खसेको प्रहरीले जनाएको छ।
मकवानपुरका प्रहरी नायब उपरीक्षक श्यामु अर्यालका अनुसार दुर्घटनामा तीन जना गम्भीर घाइते भएका छन्। एक जनाको अवस्था मध्यम रहेको छ भने अन्य पाँच जना सामान्य घाइते छन्।
घाइतेहरूलाई तत्काल उद्धार गरी काठमाडौं पठाइएको छ। उनीहरूको पहिचान खुल्न बाँकी रहेको प्रहरी स्रोतले जनाएको छ। दुर्घटनामा संलग्न जिप चालक स्थानीय प्रहरी चौकीको सम्पर्कमा रहेको जानकारी गराइएको छ।
- Jigyasa media
