रामेछाप, चैत २८ — रामेछापको मन्थली नगरपालिका–३ स्थित ठाँटीमा एक जीप दुर्घटनामा परेर दुई जनाको मृत्यु भएको छ भने नौ जना घाइते भएका छन्।
बा १६ च ६४७६ नम्बरको जीप शारदादेवी मन्दिरबाट पूजापछि फर्किने क्रममा बिहीबार दुर्घटनामा परेको हो।
दुर्घटनामा परी स्थानीय ६२ वर्षीय कृष्णनारायण श्रेष्ठ र ११ वर्षीया भूमिका श्रेष्ठको ज्यान गएको जिल्ला प्रहरी कार्यालय रामेछापले जनाएको छ।
प्रहरी नायब उपरीक्षक प्रदीपकुमार सिंहका अनुसार, घाइतेहरूलाई मन्थलीका विभिन्न अस्पतालहरूमा उपचारका लागि पठाइएको छ।
दुर्घटनापछि जीपका चालकलाई प्रहरीले नियन्त्रणमा लिएको छ र घटनाबारे थप अनुसन्धान भइरहेको जनाइएको छ।
- Jigyasa media
