काठमाडौं ।काठमाडौं उपत्यकामा मेघगर्जनसहित मध्यम वर्षा सुरु भएको छ। मौसमविदका अनुसार बागमती, कोशी र गण्डकी प्रदेशका पहाडी क्षेत्रका केही स्थानमा राति हल्का वर्षा हुन सक्ने अनुमान गरिएको छ।
मौसमविद विनोद पोखरेलका अनुसार ती क्षेत्रमा चट्याङ्गसहित पानी पर्ने सम्भावना छ भने उच्च पहाडी तथा हिमाली क्षेत्रका केही स्थानमा हल्का हिमपात पनि हुन सक्छ।
जल तथा मौसम विज्ञान विभागका विज्ञहरूका अनुसार हाल नेपालमा पश्चिमी वायु र स्थानीय वायुको प्रभाव रहेको छ। साथै, बंगालको खाडीबाट जलवाष्पयुक्त हावा नेपाल भित्रिएकाले देशभर बादल लागेको छ। तर, प्रणाली कमजोर भएकाले ठूलो पानी पर्ने सम्भावना भने न्यून रहेको मौसमविद प्रतिभा मानन्धरले जानकारी दिइन्। उनका अनुसार आगामी तीन दिनसम्म घाम पूर्ण रूपमा नखुल्ने अनुमान गरिएको छ।
- Jigyasa media
