काठमाडौँ – काठमाडौँ जिल्ला प्रशासन कार्यालयले कर्फ्युको समय थप गर्दै भोलि (शनिबार) बिहान ७ बजेसम्म लागू हुने जनाएको छ। प्रमुख जिल्ला अधिकारी ऋषिराम तिवारीका अनुसार राजावादी प्रदर्शन उग्र बनेपछि सुरक्षा व्यवस्था कडा पार्न कर्फ्युको समय लम्ब्याइएको हो।
यसअघि प्रशासनले तीनकुने लगायतका क्षेत्रलाई तोकेर आज राति १० बजेसम्म कर्फ्यु आदेश जारी गरेको थियो। शान्तिनगर पुलदेखि मनोहरा खोला पुलसम्म पाँच स्थान तोकेर जारी भएको यो आदेश थपिएको हो।
प्रहरीले कर्फ्यु आदेश लागु हुनुअघि माइकिङ गरेको थियो। तर, आदेश जारी भइसकेपछि पनि काठमाडौँका विभिन्न स्थानमा तोडफोड र आगजनी भएका छन्।
- Jigyasa media
