ढाका – बंगलादेशमा राष्ट्रपति मोहम्मद साहाबुद्दिनको राजीनामा माग्दै प्रदर्शनकारीहरूले राष्ट्रपति भवन 'बङ्गभवन' कब्जा गरेका छन्। मंगलबार दिउँसो 'एन्टी–डिस्क्रिमिनेशन स्टुडेन्ट मुभमेन्ट' समूहले प्रधानमन्त्री शेख हसिनालाई अपदस्थ गर्न माग गर्दै र्यालीको आयोजना गरेको थियो।
प्रदर्शनकारीहरूले मध्यरातमा बङ्गभवनतर्फ अगाडि बढ्दा सेनाले ब्यारिकेड लगाएर उनीहरूलाई रोक्न खोजे पनि, प्रदर्शनकारीहरूले राष्ट्रपति साहाबुद्दिनको राजीनामा माग गर्दै नाराबाजी गरिरहेका छन्। उनीहरूले सन् २०१८ र २०२४ मा भएको चुनावलाई अवैध घोषणा गर्दै नयाँ संविधानको माग गरेका छन्।
प्रधानमन्त्री शेख हसिनाले ५ अगस्टमा राजीनामा दिएपछि हाल नोबेल पुरस्कार विजेता मुहम्मद युनुसको नेतृत्वमा अन्तरिम सरकार गठन गरिएको छ।
- Jigyasa media
