शुकदेव थपलिया काभ्रे 

भदौ १२, 

काभ्रेपलाञ्चोकको भुम्लु गाउँपालिका–८, दुलालेश्वर मन्दिर नजिकै सुनकोशी नदीले एक युवकलाई बगाएको छ। आफूलाई गिफ्ट दिएको विदेशी जातको कुकुर अचानक सुनकोसी नदीमा  बगेपछि महेश दर्जी कुकुर बचाउन नदीमा हाम फालेर बेपत्ता भएको स्थानीयले बताएका छन् । दर्जी बेपत्ता लगत्तै प्रहरी स्थानीय जनप्रतिनिधि, सशस्त्र प्रहरी १५ गण हेडक्वाटर ले खोजी कार्य जारी राखेको बताइएको छ । सशस्त्र प्रहरी १५ गण हेडक्वाटर काभ्रेका प्रमुख माधव रेग्मीका अनुसार, भुम्लु–१ रिठ्ठेका २३ वर्षीय महेश दर्जी नदीमा बगेर बेपत्ता भएका हुन्।

दर्जीको खोजीका लागि तीनवटा सुरक्षा टोली खटाइएको छ । सशस्त्र प्रहरी निरीक्षक विनोद थापाको कमाण्डमा ११ जना सशस्त्र प्रहरी सहायक निरीक्षक आदर्शकुमार शाहको कमाण्डमा ११ जना (सशस्त्र प्रहरी नं १६ गण)

प्रहरी निरीक्षक प्रशान्त तमाङको नेतृत्वमा नेपाल प्रहरी टोली

जिल्ला प्रहरी प्रमुख एसपी कोमल शाहका अनुसार उद्धार टोली नदी किनारैकिनारमा तैनाथ भई दर्जीको खोजी कार्य जारी राखिएको छ।

सुनकोशी नदीको पानीको बहाव उच्च रहेकाले खोजी कार्य चुनौतीपूर्ण बनेको उद्धार टोलीले जनाएको छ।

स्थानीय बासिन्दाले समेत प्रहरीसँग समन्वय गर्दै खोजी कार्यमा सहयोग गरिरहेका छन्।

• Jigyasanepal