काठमाडौं । अमेरिकी सहायता कार्यक्रम मिलेनियम च्यालेन्ज कर्पोरेसन (एमसीसी) अन्तर्गतका परियोजना हाललाई रोकिएको छ।
एमसीसीले गएको शुक्रबार नेपाल सरकारलाई इमेलमार्फत फन्डमार्फत हुने भुक्तानी स्थगित गरिएको जानकारी गराएको छ। सन् २०१७ सेप्टेम्बर १४ (२०७४ भदौ २९) मा नेपाल सरकार र एमसीसीबीच कम्प्याक्ट सम्झौता भएको थियो, जसअन्तर्गत विभिन्न पूर्वाधार विकास परियोजना सञ्चालनमा आएका थिए।
तर, अमेरिकी राष्ट्रपतिको जनवरी २० मा जारी कार्यकारी आदेशअनुसार ९० दिनका लागि भुक्तानी रोकिएको नेपाल सरकारको अर्थ मन्त्रालयलाई सूचित गरिएको छ। यो निर्णयका कारण एमसीसी परियोजनाका कार्यहरू तत्काललाई स्थगित भएका छन्।
- Jigyasa media
