काठमाण्डौ ।हाल नेपालमा पश्चिमी वायुको आंशिक प्रभाव देखिएको छ। आइतबार बिहान कर्णाली र सुदूरपश्चिम प्रदेशसहित पहाडी क्षेत्रहरूमा आंशिक बदली रहँदा अन्य भूभागमा मौसम सफा रहेको छ।
आज कोसी र गण्डकी प्रदेशका पहाडी क्षेत्रमा मेघगर्जन र चट्याङसहित हल्का वर्षाको सम्भावना छ। साथै, ती प्रदेशका उच्च पहाडी तथा हिमाली क्षेत्रमा हल्का हिमपात हुन सक्ने मौसम पूर्वानुमान महाशाखाले जनाएको छ।
मौसममा हुने यस्तो परिवर्तनले दैनिक जनजीवन, कृषि, स्वास्थ्य, सडक तथा हवाई यातायातमा आंशिक असर पार्न सक्ने भएकाले आवश्यक सतर्कता अपनाउन आग्रह गरिएको छ।
- Jigyasa media
