काठमाडौं ।नेपाल प्रहरीले अवैध रूपमा १ किलो ४०० ग्राम कोकिन कारोबारको आरोपमा दुई विदेशी नागरिकलाई पक्राउ गरेको छ। लागुऔषध नियन्त्रण ब्युरोको टोलीले तान्जेनियाका जुमा अब्दुल्ला मजी र भारतीय नागरिक के जुचोबेनी तासोपोईलाई पक्राउ गरी सार्वजनिक गरेको हो।
प्रहरीले काठमाडौं महानगरपालिका–१०, नयाँ बानेश्वरस्थित एक होटलमा बसेका तान्जेनियन नागरिक जुमा अब्दुल्ला मजीको झोलाबाट ८० क्याप्सुल कोकिन बरामद गरेको छ। जुमा उक्त कोकिन भारतीय नागरिक के जुचोबेनीलाई बिक्री गर्ने क्रममा पक्राउ गरिएको हो।
लागुऔषध नियन्त्रण ब्युरोका अनुसार बरामद कोकिनको अवैध बजार मूल्य करिब ३ करोड ८७ लाख रुपैयाँ रहेको छ। पक्राउ परेका दुवैलाई जिल्ला अदालत काठमाडौंबाट लागुऔषध मुद्दामा म्याद थप गरी अनुसन्धान जारी राखिएको प्रहरी नायब महानिरीक्षक (डीआईजी) दानबहादुर कार्कीले जानकारी दिएका छन्।
- Jigyasa media
