काठमाडौँ – हालैको बाढी र पहिरोका कारण देशभर २३३ जनाको मृत्यु भएको पुष्टि भएको छ, भने २२ जना अझै बेपत्ता छन्। यस विपत्तिमा १६९ जना घाइते भएका छन्, जसको उपचार भइरहेको छ।
गृह मन्त्रालयका प्रवक्ता ऋषिराम तिवारीले जानकारी दिएअनुसार बाढी र पहिरोबाट प्रभावित क्षेत्रबाट हालसम्म १७ हजार १२० जनाको सफलतापूर्वक उद्धार गरिएको छ।
सरकारले उद्धार कार्यलाई उच्च प्राथमिकता दिएको छ भने सहायता परिचालन र पीडितहरूको सुरक्षित स्थानान्तरणमा कुनै कमी हुन नदिन प्रयासरत रहेको छ। अवरुद्ध राजमार्गहरूको मर्मत कार्यलाई तीव्रता दिइएको छ, जसले यातायात सञ्चालनलाई सहज बनाउन मद्दत पुर्याइरहेको छ।
- Jigyasa media
