काठमाडौं, चैत २ – हाल देशमा पश्चिमी वायु र स्थानीय मौसमी प्रभाव सक्रिय रहेको जल तथा मौसम विज्ञान विभागले जनाएको छ।
सुदूरपश्चिम प्रदेश र कर्णाली प्रदेशका विभिन्न पहाडी क्षेत्रमा आंशिकदेखि सामान्य बदली रहँदा केही स्थानमा हल्का वर्षा भइरहेको छ। बाँकी भूभागमा मौसम आंशिक बदलीदेखि खुला रहने अनुमान गरिएको छ।
दिउँसो देशका पहाडी क्षेत्रमा आंशिकदेखि सामान्य बदली रहनेछ भने उच्च पहाडी तथा हिमाली क्षेत्रका एक-दुई स्थानमा हल्का हिमपातको सम्भावना छ। यस्तै, मेघगर्जन तथा चट्याङसहित हल्का वर्षा हुन सक्ने सम्भावना रहेको विभागले जनाएको छ।
राति पनि सुदूरपश्चिम, कर्णाली र लुम्बिनी प्रदेशका पहाडी भेगमा बदली रहनेछ भने अन्य क्षेत्रमा आंशिक बदली हुनेछ। यी क्षेत्रमा पनि चट्याङसहित हल्का वर्षा र हिमाली क्षेत्रमा हिमपातको सम्भावना छ।
मौसम परिवर्तनको असरले जनजीवन, स्वास्थ्य, सडक तथा हवाई यातायातमा आंशिक प्रभाव पार्न सक्ने भएकाले आवश्यक सतर्कता अपनाउन विभागले आग्रहगरेको छ।
- Jigyasa media
