प्यूठान - माडी नदीमा दुई जनाको शव फेला परेको छ। इलाका प्रहरी कार्यालय भिंगृका प्रहरी निरीक्षक नवीनकुमार थापा क्षेत्रीले जानकारी दिएअनुसार, स्वर्गद्वारी नगरपालिका-५ तल्लो सारीका ७५ वर्षीय जगनाथ अधिकारी र स्वर्गद्वारी नगरपालिका-३ चिराबारीका ६३ वर्षीय दामोदर खनालको शव भेटिएको हो।
बुधबारदेखि हराइरहेका अधिकारीको शव शुक्रबार दिउँसो तापा र बर्जिबाङ जोड्ने बेली ब्रिजको नजिकै दुई सय मिटर तल फेला परेको छ।
खनालको भने, स्वर्गद्वारी मन्दिरको दर्शनपछि फर्किने क्रममा बेलिब्रिजको छेउमा नुहाउने क्रममा नदीले बगाएको थियो। उनकाे शव गोठिबाङको घण्टीखोला दोभानमा भेटिएको प्रहरीले जानकारी दिएको छ।
- Jigyasa media
