काठमाण्डौ ।
हाल देशमा पश्चिमी न्यून चापीय प्रणालीको आंशिक प्रभाव देखिएको छ। जल तथा मौसम विज्ञान विभागका अनुसार कोशी, गण्डकी, कर्णाली र सुदूरपश्चिम प्रदेशका पहाडी क्षेत्रमा आज आंशिक बदली रहनेछ भने अन्य ठाउँमा मौसम खुला रहनेछ।
दिउँसो कोशी र गण्डकी प्रदेशका पहाडी भागमा बादल लाग्न सक्ने भए पनि बाँकी क्षेत्रको मौसम सफा रहने अनुमान गरिएको छ। राति पनि कोशी प्रदेशका पहाडी क्षेत्रमा आंशिक बदली रहन सक्नेछ, तर अन्य भू-भागमा मौसम सामान्य रह्नेछ।
यसैबीच, बिहान तराईका केही स्थानमा हल्का हुस्सु लाग्न सक्ने भएकाले जनजीवन, स्वास्थ्य, सडक तथा हवाई उडानमा असर पर्न सक्ने सम्भावना रहेको मौसम विभागले जनाएको छ। सतर्क रहन समेत अनुरोध गरिएको छ।
- Jigyasa media
