महोत्तरी, वैशाख १६। महोत्तरीको मनरा शिसवा नगरपालिकामा डुबेर दुई बालकले ज्यान गुमाएका छन्। स्थानीय पोखरीमा पौडी खेल्ने क्रममा दुबै नाबालक डुबेर गम्भीर अवस्थामा पुगेका थिए।
डुब्ने बालकहरूमा मनरा शिसवा नगरपालिका–१ का १० वर्षीय शुभम कुमार सिंह र सप्तरीको डाक्नेश्वरी नगरपालिका–९, पथरघाटा लक्ष्मीपट्टी निवासी ९ वर्षीय आयुष कुमार सिंह रहेका छन्। शुभम स्थानीय विकेश सिंहका छोरा हुन् भने आयुष रूपेश सिंहका छोरा हुन्।
दुबै बालकलाई गम्भीर अवस्थामा उद्धार गरी नगर अस्पताल, मनरामा लगिए पनि उपचारकै क्रममा गएराति दुबैको निधन भएको जिल्ला प्रहरी कार्यालय महोत्तरीले पुष्टि गरेको छ।
बालबालिकाको सुरक्षाप्रति अभिभावक र स्थानीय तहको गम्भीर ध्यान नपुगेकोले यस्ता दुःखद घटना बारम्बार दोहोरिइरहेका छन्। पोखरीजस्ता जोखिमयुक्त स्थानमा सतर्कता नअपनाउँदा मासुम ज्यान गुम्नुपरेको यो घटनाले चेतना दिनुपर्ने बेला आएको छ।
प्रहरीका अनुसार घटनाबारे थप अनुसन्धान जारी छ।
-
Jigyasanepal
