हेटौँडा | २०७९ वैशाख २४, बुधबार । मकवानपुरको राक्सिराङ गाउँपालिका–९ स्थित अठारेको भीत्री सडकमा बोलेरो जिप दुर्घटना हुँदा ९ जना यात्रु घाइते भएका छन्। तीमध्ये ६ जनाको अवस्था गम्भीर रहेको मकवानपुर प्रहरीले पुष्टि गरेको छ।
खैराङबाट मनहरीतर्फ जाँदै गरेको बा १५ च १३३३ नम्बरको बोलेरो जिप बिहान ८:१५ बजे अनियन्त्रित भई करिब ५० मिटर तल खस्दा दुर्घटना भएको हो।
दुर्घटनाको खबर पाउनेबित्तिकै प्रहरी चौकी कान्द्राङबाट प्रहरी निरीक्षक भरत कुमार खड्काको नेतृत्वमा उद्धार टोली खटिएको थियो। स्थानीयको सहयोगमा सबै घाइतेलाई उद्दार गरी मनहरी अस्पतालमा भर्ना गरिएको छ।
गम्भीर घाइतेहरू
– १६ वर्षीय हिमाल बस्नेत – टाउकोमा गम्भीर चोट
– ३५ वर्षीय बुद्धिमान घलान – टाउको र शरीरमा चोट
– ७५ वर्षीय डिलबहादुर घलान – शरीरका विभिन्न भागमा चोट
– ७० वर्षीया फुलमाया घलान – गम्भीर चोट
– ३८ वर्षीय रुप बहादुर राउत – टाउकोमा चोट
– ४८ वर्षीय दीपक खड्का – टाउको र शरीरमा चोट
मध्यम घाइते
– ५० वर्षीय सूर्य अधिकारी – हातमा चोट
– १४ वर्षीय कुमार तामाङ – टाउकोमा चोट
सामान्य घाइते
– २८ वर्षीय सुजन तामाङ – हातखुट्टामा सामान्य चोट
दुर्घटनाको कारण खुल्न बाँकी
दुर्घटनाको यकिन कारण खुल्न बाँकी रहे पनि तीव्र गतिका कारण गाडी अनियन्त्रित भएर खसेको प्रारम्भिक अनुमान प्रहरीले गरेको छ।
घटनाको विस्तृत अनुसन्धान भइरहेको जिल्ला प्रहरी कार्यालय मकवानपुरका प्रवक्ता डीएसपी श्यामु अर्यालले जानकारी दिएका छन्।
-
Jigyasanepal
