काठमाडौं: त्रिभुवन विश्वविद्यालयले आगामी शैक्षिक वर्षदेखि स्नातक तहका सबै संकायहरूका प्रश्नपत्रहरू अंग्रेजी र नेपाली दुवै भाषामा तयार गर्ने निर्णय गरेको छ। यो व्यवस्था वार्षिक परीक्षा प्रणाली अन्तर्गत लागू हुनेछ।
त्रिभुवन विश्वविद्यालयको प्राज्ञिक परिषद् स्थायी समितिको २०८० चैत १५ गते बसेको बैठकले यो निर्णय गरेको हो। निर्णयअनुसार, प्रथम वर्षको परीक्षा सुरु हुँदै क्रमशः दोस्रो, तेस्रो र चौथो वर्षमा पनि यो प्रावधान अनिवार्य रूपमा लागू हुनेछ।
सुरुवाती चरणमा शिक्षा, मानविकी, व्यवस्थापन र कानून संकायका स्नातक तहका प्रश्नहरू अंग्रेजी र नेपाली दुवै भाषामा सोधिने व्यवस्था गरिने त्रिभुवन विश्वविद्यालयले शिक्षा, विज्ञान तथा प्रविधि मन्त्रालयलाई जानकारी गराएको छ।
- Jigyasa media
