काठमाडौं, वैशाख २३ — काठमाडौँमा हराएकी एक महिला शिवपुरी क्षेत्रमा गाडिएको अवस्थामा मृत फेला परेपछि हत्याको आरोपमा एक युवक पक्राउ परेका छन्।
प्रहरी परिसर काठमाडौँ का अनुसार टोखा नगरपालिका–२ बस्ने ३५ वर्षीय अनिल डंगोल लाई कर्तव्य ज्यान मुद्दामा पक्राउ गरिएको हो। उनीमाथि काठमाडौँकै तारकेश्वर नगरपालिका–३, तिनपिप्ले जितपुरफेदी निवासी ४५ वर्षीया सरिता तिवारी को हत्या गरेको आरोप छ।
प्रहरीका अनुसार वैशाख ११ गतेदेखि घरबाट हराएकी तिवारीको खोजीका क्रममा उनको शव टोखा नगरपालिका–१ स्थित शिवपुरी राष्ट्रिय निकुञ्ज नजिकैको जंगलमा जमिनमुनि गाडिएको अवस्थामा फेला परेको थियो।
प्रारम्भिक अनुसन्धानले डंगोलकै संलग्नतामा हत्या भएको देखिएको प्रहरीले जनाएको छ। पक्राउ परेका डंगोललाई काठमाडौँ जिल्ला अदालत बाट कर्तव्य ज्यान सम्बन्धी कसुरमा ७ दिनको म्याद थप गरी थप अनुसन्धान अघि बढाइएको छ।
यस घटनाले राजधानीमा सुरक्षा र अपराध नियन्त्रणबारे पुनः गम्भीर प्रश्न उठाएको छ।
-
Jigyasanepal
