Breaking News
गुजरातमाथि आरसीबीको विराट जित, लगातार दोस्रोपटक आईपीएल फाइनलमा प्रवेश    ||     धुलिखेलमा स्कुटर दुर्घटना : २० वर्षीय युवकको ज्यान गयो    ||     खुर्कोट हिरासत मृत्यु प्रकरणः एसपीसहित १० प्रहरीमाथि कारबाही सिफारिस    ||     काठमाडौँमा रातिदेखि वर्षा, दिउँसोपछि फेरि पानी पर्ने सम्भावना    ||     पनौतीमा श्रीमद्भागवत महायज्ञको कोषलाई लिएर विवाद    ||     सुनकोसीमा पौडी खेल्ने क्रममा दुई बालकको दुःखद मृत्यु    ||     सडकमा युवाको मृत्युयात्रा: हरेक दुई दिनमा १५ जनाको ज्यान जाँदा पनि किन रोकिँदैन दुर्घटना?    ||     हारको समीक्षा गर्दै एमाले पुनर्गठनतर्फ, बादलको संयोजकत्वमा शक्तिशाली कार्यदल गठन    ||     संखुवासभामा १६९ मिमि वर्षा, बाढी–पहिरोको उच्च जोखिम    ||     ६ जिल्लामा तातो लहरको चेतावनी, ४० डिग्रीभन्दा बढी तापक्रम पुग्ने सम्भावना    ||    

नेपालले पहिलो खेलमा अमेरिकालाई पराजित गर्‍यो

  •   २ वर्ष अघि | २ कार्तिक २०८१, शुक्रबार

कात्तिक २, २०८१ | काठमाडौं

नेपालले पहिलो टी-२० आई खेलमा घरेलु टोली अमेरिकालाई १७ रनले पराजित गरेको छ। ग्राण्ड प्रेरी रंगशालामा आज बिहान भएको खेलमा अमेरिकाले नेपालले दिएको १६५ रनको लक्ष्य पछ्याउँदै ७ विकेट गुमाएर १४७ रनमा समेटिएको हो।

अमेरिकाका शायन जहानगिरले ६० रनको अविजित पारी खेले पनि टिमलाई जिताउन सकेनन्। अन्य खेलाडीहरूमा आन्द्रेस गौसले ३०, मिलिन्ड कुमारले २२ र जसदीप सिंहले १६ रन बनाए। कप्तान मोनांक पटेल र आरोन जोन्सले तीन/तीन रन बनाउँदा हरमीत सिंह दीपेन्द्रसिंहबाट शून्य रनमा एलबीडब्ल्यू आउट भए।

नेपालको जितमा दीपेन्द्रसिंह ऐरीले ३ विकेट लिएका थिए, जबकि करण केसी, रिजन ढकाल र गुल्शन झाले १-१ विकेट लिए।

त्यसअघि, पहिलो ब्याटिङ गर्दै नेपालले ९ विकेटको क्षतिमा १६४ रन बनाएको थियो। कप्तान रोहित पौडेलले १ छक्का र ४ चौकाको मद्दतले ४९ रनको योगदान गरे। अन्य खेलाडीहरूमा दीपेन्द्रसिंह ऐरीले २८, ओपनर अनिल शाह र आसिफ शेखले समान २७/२७, गुल्शनले ११, कुशल भुर्तेलले १० र सोमपाल कामीले २ रन जोडे। करन केसी र आरिफ शेख शून्य रनमा आउट भए।

अमेरिकाका हरम्रीत सिंहले ४ ओभरमा १८ रन खर्चेर २ विकेट लिए भने सौरभ नेत्रवालकरले ४ ओभरमा ३५ रन खर्चेर २ विकेट लिए। जसदीप सिंहले पनि ४ ओभरमा ३५ रन खर्चेर २ विकेट लिएका थिए, जबकि अली खान र नोष्थुश केंजिगेले समान १-१ विकेट लिए।


  • Jigyasa media

थप