कैलाली, २१ मंसिर – कैलालीको मोहन्याल गाउँपालिका–३ का वडाध्यक्ष नन्दाराम गिरीको ३५ वर्षको अल्पायुमै निधन भएको छ। मुखको क्यान्सरबाट पीडित गिरीको उपचारका क्रममा आज दोदोधरा अस्पताल, बौनियामा निधन भएको हो।
वडाध्यक्ष गिरी २०७४ र २०७९ को स्थानीय तह निर्वाचनमा नेपाली कांग्रेसबाट निर्वाचित भएका थिए। उनले आफ्नो कार्यकालमा गाउँको विकास र सेवामा सक्रिय भूमिका खेलेका थिए।
गिरीको परिवारमा श्रीमती, दुई छोरा र एक छोरी छन्। नेपाली कांग्रेस कैलालीका जिल्ला सदस्यसमेत रहेका उनको अन्त्येष्टि भोलि शनिबार फलेबिसौनामा गरिने बताइएको छ। नेपाली कांग्रेस कैलालीका नेता देवानन्द जैशीले गिरीको निधनले पार्टी र स्थानीय समुदायलाई ठूलो क्षति पुगेको बताए।
शोक प्रकट: गिरीको असामयिक निधनप्रति स्थानीय, राजनीतिक क्षेत्र र समाजसेवाबाट गहिरो शोक व्यक्त गरिए
को छ।
- Jigyasa media
