बुटवल, कात्तिक १० – दाङको तुलसीपुरमा बोलेरो जिप दुर्घटना हुँदा दुई जनाको घटनास्थलमै मृत्यु भएको छ। इलाका प्रहरी कार्यालय तुलसीपुरका अनुसार, दुर्घटनामा २२ वर्षीय हिरामणि बुढा, दंगीशरण गाउँपालिका-४ निवासी, र १९ वर्षीय सुरेश खड्का, कपुरकोट गाउँपालिका-६ निवासीको ज्यान गएको हो।
प्रहरीका अनुसार, बोलेरो जिप (रा १ ज ८२२) राप्ती लोकमार्गअन्तर्गत तुलसीपुर उपमहानगरपालिका-३ साततलेमा करिब साढे तीन बजे दुर्घटनामा परेको थियो। गाडी करिब तीन सय मिटर तल खसेको बताइएको छ।
यस दुर्घटनामा घाइते भएका सल्यान कपुरकोट गाउँपालिका-६ निवासी ३१ वर्षीय देवा वली र उनका छोराहरू १३ वर्षीय महेश वली र १० वर्षीय जीवन वलीलाई प्रारम्भिक उपचारपछि थप उपचारका लागि नेपालगञ्ज पठाइएको छ। गाडी सल्यानबाट तुलसीपुरतर्फ आउँदै गर्दा दुर्घटना भएकोहो।
- Jigyasa media
