अर्जुन अधिकारी काभ्रे ।

काभ्रे, साउन ३ ।

काभ्रेपलाञ्चोक जिल्लाको भुम्लु गाउँपालिका–८, पौवास्थित भित्री सडकखण्डमा ब्रेक फेल भएर एक यात्रुबाहक बस दुर्घटना हुँदा २३ जना यात्रु घाइते भएका छन्।

प्रहरीका अनुसार रामेछापको डोरखानीबाट काठमाडौंका लागि छुटेको बा ३ ख ८४०८ नम्बरको बस आज दिउँसो करिब १२:२० बजे अनियन्त्रित भई सडकको भित्तामा ठोक्किँदा दुर्घटना भएको हो। काभ्रे जिल्लाको भुम्लु गाउँपालिका–८, पौवा मा आज साउन ३ गते, दिउँसो १२:२० बजे बस नं: बा ३ ख ८४०८ रुट: डोरखानी (रामेछाप) काठमाडौं जाँदै गर्दा प्रारम्भिक अनुमान अनुसार ब्रेक फेल

भएको थियो । उक्त बसमा सवार २३ यात्रु घाइते, धुलिखेल अस्पतालमा उपचार गरिँदै छ । बसमा जम्मा ३२ जना यात्रु सवार थिए।

त्यसमध्ये हालसम्म नाम, थर, वतन खुल्न बाँकी रहेका २३ जना यात्रु घाइते भएका छन्।उनीहरूलाई उपचारका लागि तत्काल धुलिखेल अस्पताल पठाइएको प्रहरीले जानकारी दिएको छ। बस हालसम्म घटनास्थलमै रहेको र चालकलाई प्रहरी चौकी दोलालघाटले नियन्त्रणमा लिएको पुष्टि भएको छ।

• Jigyasanepal