भक्तपुर – सूर्यविनायक नगरपालिका–९ नलिञ्चोकमा दुई मोटरसाइकल आपसमा ठोक्किँदा एक जनाको मृत्यु भएको छ भने दुई जना घाइते भएका छन्।
भक्तपुर जिल्ला ट्राफिक प्रहरीका अनुसार दुर्घटनामा रामेछाप सुनापाती गाउँपालिका–४ का २१ वर्षीय तिम्बा दोर्जे तामाङको इवामुरा अस्पतालमा उपचारका क्रममा मृत्यु भएको हो।
घटनामा सूर्यविनायक नगरपालिका–९ काक्राबारीका २४ वर्षीय साजन तामाङ गम्भीर घाइते भएका छन्। अर्का घाइतेको परिचय खुलाइएको छैन। प्रहरी अनुसन्धान जारी रहेको छ।
- Jigyasa media
