काठमाडौं, चैत १२ – जल तथा मौसम विज्ञान विभागले देशका केही भागमा वर्षा र हिमपातको सम्भावना रहेको जनाएको छ।
आज बिहान पहाडी भूभागहरूमा आंशिक बदली देखिएको छ भने अन्य स्थानमा मौसम मुख्यतः सफा रहेको छ। विभागका अनुसार दिउँसो कोसी र गण्डकी प्रदेशका केही पहाडी क्षेत्रमा मेघगर्जनसहित हल्का वर्षा हुन सक्ने सम्भावना छ।
यस्तै, उच्च पहाडी तथा हिमाली भेगका केही स्थानमा हल्का हिमपात हुने अनुमान गरिएको छ। हाल देशमा पश्चिमी प्रणाली र स्थानीय वायुले प्रभाव पारिरहेको मौसमविद्हरूले बताएका छन्।
मौसम परिवर्तनका कारण चट्याङ, असिनापानी वा हिमपात हुन सक्ने सम्भावनालाई ध्यानमा राख्दै सतर्कता अपनाउन विभागले आग्रह गरेको छ।
- Jigyasa media
