काभ्रे । काभ्रेपलाञ्चोकको बेथानचोक गाउँपालिका–१, ढटडाँडामा गिट्टी बोकेको टिपर दुर्घटनाग्रस्त भएको छ। ब्रेक फेल भएर अनियन्त्रित बनेको टिपर करिब ७०० मिटर तल खस्दा चालक घाइते भएका छन्।
घटनापछि वडा नम्बर १ का अध्यक्ष मधुसूदन तिमल्सिनाले तुरुन्तै एम्बुलेन्सको व्यवस्था गरी घाइतेलाई अस्पताल पठाएका छन्। दुर्घटनाका कारण चरिरहेको एउटा बाख्रो मृत भएको छ भने दुई बाख्रा घाइते भएका छन्।
स्थानीय प्रशासन र प्रहरी टोली घटनास्थलमा पुगेर थप अनुसन्धान गरिरहेको जनाएको छ।
- Jigyasa media
