२८ मंसिर, काठमाडौं । नेपाल पत्रकार महासंघ अन्तर्गत कामना प्रतिष्ठान शाखा (नेपाल समाचारपत्र)को ९ औं अधिवेशनले सर्वसम्मत रूपमा नयाँ नेतृत्व चयन गरेको छ। अधिवेशनले भगवती तिमल्सिनाको अध्यक्षतामा ७ सदस्यीय कार्यसमिति निर्विरोध चयन गरेको हो।
नव निर्वाचित पदाधिकारीहरू
अध्यक्ष: भगवती तिमल्सिना
उपाध्यक्ष: सुनील महर्जन
सचिव: सूर्यप्रसाद अर्याल
कोषाध्यक्ष: शारदा शर्मा (गौतम)
सदस्यहरू: सरोज राजोपाध्यय र कर्ण प्रधान
पार्षद चयन
अधिवेशनले केन्द्रीय र प्रदेश पार्षदहरूलाई पनि सर्वसम्मत रूपमा चयन गरेको छ।
केन्द्रीय पार्षद: यदुप्रसाद भट्ट, राजु श्रेष्ठ, र रामप्रसाद (दीपक) रिजाल
प्रदेश पार्षद: प्रकाश श्रेष्ठ र सरस्वती सुनार
शुभकामना र प्रतिबद्धता
कार्यक्रममा कामना पब्लिकेसन्सका प्रमुख कार्यकारी अधिकृत तथा प्रबन्ध सम्पादक दिरेकलाल श्रेष्ठले नव निर्वाचित नेतृत्वलाई शुभकामना दिँदै सञ्चारकर्मीहरूको क्षमता अभिवृद्धिका लागि सिर्जनात्मक कार्यक्रम ल्याउनुपर्नेमा जोड दिए। उनले व्यवस्थापनको तर्फबाट यसका लागि आवश्यक सहयोग गर्ने प्रतिबद्धता जनाए।
नेपाल समाचारपत्रका सम्पादक सागर पण्डितले संस्थाको गरिमा उच्च राख्न सबै सञ्चारकर्मी र कर्मचारीले एकताबद्ध भएर काम गर्नुपर्नेमा जोड दिए।
निर्वाचन समिति
निर्वाचन समितिका संयोजक दीपक रिजाल र सदस्यहरू भवनाथ प्याकुरेल तथा सरस्वती सुनार थिए।
कामना प्रतिष्ठान शाखाको यो सर्वसम्मत नेतृत्वले आगामी दिनमा संस्थाको गरिमा र सञ्चारकर्मीको दक्षता अभिवृद्धि
मा थप योगदान दिने विश्वास लिइएको छ।
- Jigyasa media
