डडेल्धुरा, असोज ३० – कञ्चनपुरको महेन्द्रनगरदेखि बैतडीको पुर्चौंडी जाँदै गरेको पवनदूत यातायातको रात्रीबस दुर्घटना हुँदा चार जनाको घटनास्थलमै मृत्यु भएको छ भने १२ जना घाइते भएका छन्। दुर्घटना अमरगढी नगरपालिका–७ स्थित खस्रेखानमा मंगलबार राति ११:३० बजे भएको हो।
दुर्घटनामा परेका मृतकहरूमा दुई महिला, एक पुरुष, र एक नाबालक रहेका छन्। प्रहरीका अनुसार बैतडीको पुर्चौंडी नगरपालिका-३ की जयमति बोहरा (४५), कमला बोहरा (२०), उनका छोरा, र सहदेव बोहरा (२२) रहेका छन्। बस करिब ३५० मिटर तल खसेको थियो, जसका कारण गम्भीर दुर्घटना भएको हो।
प्रहरीले घाइतेहरूलाई डडेल्धुरा अस्पतालमा उपचार भइरहेको बताएको छ, भने गम्भीर घाइते बस चालक वीरेन्द्र बोहरालाई थप उपचारका लागि धनगढी पठाइएको छ। दुर्घटनाको प्रारम्भिक अनुसन्धानले बस चालक निदाएको कारणले दुर्घटना भएको हुन सक्ने अनुमान गरिएको छ।
घटनाको थप अनुसन्धान जारी रहेको छ।
- Jigyasa media
