काठमाडौं, माघ २७ – चोभारमा भएको स्कुल बस दुर्घटनामा चालक र एक विद्यार्थीको ज्यान गएको छ।
दक्षिणकाली नगरपालिका–३, फर्पिङको भन्ज्याङमा आइतबार अपराह्न करिब ३:४५ बजे जुनकिरी इंग्लिस स्कुल को बस दुर्घटनामा परेको हो। बस ५० मिटर तल खस्दा चालक रामकृष्ण मगर र ८ वर्षीय विद्यार्थी विपिन श्रेष्ठको मृत्यु भएको जिल्ला प्रहरी परिसर, काठमाडौंका एसपी अपिलराज बोहोराले जानकारी दिए।
प्रहरीका अनुसार बसमा ५० जना विद्यार्थी सवार थिए। घाइतेको उद्धार गरी उपचारका लागि अस्पताल लगिएको छ। दुर्घटनाको कारणबारे अनुसन्धान भइरहेको प्रहरीले जनाएको छ।
- Jigyasa media
