काठमाडौं । काठमाडौं महानगरपालिका-१६, म्हैपीस्थित विष्णुमती करिडोर सडकमा ट्रकले मोटरसाइकललाई ठक्कर दिँदा एक जनाको ज्यान गएको छ।
बुधबार राति बा ४ ख ८६८५ नम्बरको मिनी ट्रकले ग १४ प ६४४३ नम्बरको मोटरसाइकललाई ठक्कर दिएपछि बागलुङ नगरपालिका-१२ निवासी २५ वर्षीय विनोद खड्काको उपचारका क्रममा ट्रमा सेन्टरमा मृत्यु भएको हो।
मोटरसाइकलमा सवार अर्का एक जना घाइते भएका छन् र उनको उपचार ट्रमा सेन्टरमा जारी छ। ट्रक चालकलाई प्रहरीले नियन्त्रणमा लिएको छ।
- Jigyasa media
