धनगढी – कैलाली प्रहरीले साढे तीन किलो चरेससहित दुई जनालाई पक्राउ गरेको छ। जिल्ला प्रहरी कार्यालयको अपराध अनुसन्धान शाखाबाट प्रहरी नायब निरीक्षक (सई) गजेन्द्रबहादुर चन्दको नेतृत्वमा खटिएको टोलीले बुधबार ३ किलो ४८० ग्राम चरेससहित उनीहरूलाई पक्राउ गरेको हो।
पक्राउ पर्नेहरूमा गौरिगंगा नगरपालिका-८, बडैपुरका गोविन्द धामी (२३ वर्ष), जो बझाङको केदारस्युँ गाउँपालिका–६ स्थायी निवासी हुन्, र धनगढी उपमहानगरपालिका–३ मा बाजुरा होटल सञ्चालन गर्दै आएकी ४१ वर्षीया मनमति ऐडी रावत रहेको जिल्ला प्रहरी कार्यालय कैलालीका डिएसपी कबिन्द्रसिंह बोहोराले जानकारी दिए।
धामीको साथबाट २ किलो ७४० ग्राम चरेस झोलामा लुकाइएको अवस्थामा फेला परेको थियो भने रावतको होटल खानतलासी गर्दा थप ७४० ग्राम चरेस बरामद भएको प्रहरीले जनाएको छ ।
- Jigyasa media
