नयाँ दिल्ली – भारतको राजधानी दिल्ली र त्यस आसपासका क्षेत्र सोमबार बिहान भूकम्पको धक्काले हल्लिएको छ। स्थानीय समयअनुसार बिहान ५:३६ बजे ४.० म्याग्निच्युडको भूकम्प जाँदा सर्वसाधारण घर बाहिर निस्किन बाध्य भए।
भारतीय भूगर्भ विभागका अनुसार भूकम्पको केन्द्र दिल्लीको जमिनभन्दा ५ किलोमिटर गहिराइमा रहेको थियो। अकस्मात् महसूस गरिएको शक्तिशाली कम्पनका कारण केहीबेरको लागि जनजीवन प्रभावित भएको बताइएको छ।
संभावित आपतकालीन स्थितिलाई मध्यनजर गर्दै दिल्ली प्रहरीले सतर्क रहन आग्रह गरेको छ भने कुनै अप्रिय घटना भए तुरुन्तै जानकारी दिन अनुरोध गरिएको छ।
- Jigyasa media
