बाँके ।
बाँकेको डडुवा गाउँपालिकामा भएको सवारी दुर्घटनामा दुई बालकको ज्यान गएपछि स्थानीय क्षेत्रमा तनाव सिर्जना भएको छ।
डडुवा–२ स्थित बेतहनी चोकमा भे १ ख ४१०७ नम्बरको पानी बोक्ने ट्यांकरले ठक्कर दिँदा ८ वर्षीय विशाल गोदिया र ९ वर्षीय शिउकुमार गोदियाको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ।
दुर्घटनापछि आक्रोशित स्थानीयले ट्यांकरमा आगजनी गरेका छन् भने प्रहरी चौकीमा समेत ढुंगामुढा भएको छ।
घटनालगत्तै प्रहरीले चालकलाई नियन्त्रणमा लिएको छ। स्थानीयले प्रदर्शन जारी राखेका छन् भने स्थिति नियन्त्रणमा लिन सुरक्षाकर्मी परिचालन गरिएको छ।
- Jigyasa media
