दाङ, वैशाख ५ – दाङको लमही–भालुवाङ सडकखण्ड अन्तर्गत सिंगेखोला नजिक यात्रुबस दुर्घटना हुँदा दुई जनाको ज्यान गएको छ भने १५ जना घाइते भएका छन्।
कृष्णनगरबाट घोराहीतर्फ जाँदै गरेको बा ३ ख ७९९६ नम्बरको यात्रुबस अनियन्त्रित भई दुर्घटनामा परेको हो। जिल्ला प्रहरी कार्यालय दाङका अनुसार मृत्यु हुनेमध्ये एकजनाको पहिचान दाङको राजपुर गाउँपालिका–५ निवासी ५७ वर्षीय निमसरोज यादवको रूपमा खुलेको छ भने अर्का मृतकको सनाखत प्रक्रिया जारी छ।दुर्घटनामा परेका १५ यात्रुमध्ये ८ जनाको अवस्था मध्यम र ७ जनाको अवस्था सामान्य रहेको प्रहरीले जनाएको छ। घाइतेहरूको स्थानीय स्वास्थ्य संस्थामा उपचार भइरहेको छ।हाल घटनास्थलमा प्रहरी टोली खटिइरहेको छ भने विस्तृत विवरण संकलन कार्य जारी छ।
- A
