काठमाडौं — देशभर डेंगु सङ्क्रमण तीव्र गतिमा फैलिएको छ। ईपिडिमियोलोजी तथा रोग नियन्त्रण महाशाखाको (ईडिसिडी) पछिल्लो तथ्यांकअनुसार, हालसम्म १९ हजार पाँच ९९ जनामा डेंगु पुष्टि भएको छ भने नौ जनाको मृत्यु भइसकेको छ।
डेंगु सङ्क्रमण ७६ जिल्लामा फैलिएको छ, जसमा सबैभन्दा बढी काठमाडौँ प्रभावित बनेको छ, जहाँ तीन हजार एक सय तीन जनामा सङ्क्रमण देखिएको छ। कास्की, तनहुँ, पर्वत, चितवन, ललितपुरलगायतका जिल्लाहरूमा पनि उल्लेख्य सङ्क्रमण दर छ।
शुक्रराज ट्रपिकल तथा सरुवा रोग अस्पतालका डा. शेरबहादुर पुनका अनुसार, पोस्ट-मनसुन अवधिमा डेंगुको जोखिम बढ्ने र हाल समुदायमा व्यापक सङ्क्रमण देखिएको छ।
डेंगु लामखुट्टेको टोकाइबाट सर्ने भएकाले विशेषज्ञहरूले शरीर ढाक्ने कपडा लगाउन, खाल्डाखुल्डी पुर्न, र झुलको प्रयोग गर्न सुझाव दिएका छन्। जटिल लक्षण देखिएमा तत्काल स्वास्थ्य संस्थामा सम्पर्क गर्न डा. पुनले सल्लाह दिएका छन्।
विगतमा पनि डेंगुबाट हजारौं सङ्क्रमित र कैयौँको मृत्यु भइसकेको तथ्यांकलेदेखाउँछ।
- Jigyasa media
