३० मंसिर, काठमाडौं। देशभर हाल पश्चिमी वायुको सामान्य प्रभाव देखिएको छ भने अधिकांश स्थानमा आंशिक बदली रहेको जल तथा मौसम विज्ञान विभागले जनाएको छ।
तराईका केही स्थानमा हुस्सु लागेकाले यातायात र हवाई उड्डयनमा क्षणिक असर पर्ने सम्भावना छ। विभागले दैनिक जनजीवनमा सतर्कता अपनाउन आग्रह गरेको छ।
आज दिउँसो र राति मौसम मुख्यतया सफा रहने अपेक्षा गरिएको छ। तर, सोमबार बिहान तराई र काठमाडौं उपत्यकामा हुस्सु लाग्ने सम्भावना रहेको विभागले जनाएको छ।
यसैबीच, काठमाडौं उपत्यकामा चिसो केही घटेको छ। शनिबारको दुई डिग्री सेल्सियस तापक्रमको तुलनामा आज बिहान तापक्रम चार दशमलव पाँच डिग्री मापन गरिएको छ।
आज काठमाडौंको अधिकतम तापक्रम १६ देखि १८ डिग्री सेल्सियससम्म पुग्ने अनुमान गरिएको छ। सूर्योदय ६:४७ मा र सूर्यास्त ५:११मा हुनेछ।
- Jigyasa media
