काठमाण्डौ ।

तीन प्रहरी अधिकारीको मृत्यु, घटनालाई अमेरिकाका महान्यायाधिवक्ताको 'भयानक' टिप्पणी

काठमाडौं, साउन ३ – अमेरिकाको लस एन्जलसस्थित काउन्टी सेरिफ विभागअन्तर्गतको प्रहरी तालिम केन्द्रमा शुक्रबार बिहान भएको विस्फोटमा तीन जना प्रहरी अधिकारीको ज्यान गएको छ।

स्थानीय समय अनुसार बिहान ७:३० बजे भएको उक्त विस्फोटका बारेमा अमेरिकी अधिकारीहरूले पुष्टि गरेका छन्। घटनास्थलमा व्यापक क्षति भएको बताइएको छ भने घटनाको कारणबारे हालसम्म खुलाइएको छैन।

अमेरिकाकी महान्यायाधिवक्ता पाम बोन्डीले सामाजिक सञ्जाल एक्स (पूर्व ट्विटर) मा घटनालाई 'भयानक' भन्दै दुःख व्यक्त गरेकी छिन्। उनले विस्फोटमा तीन जना अधिकारीले ज्यान गुमाएको औपचारिक पुष्टि गरेकी हुन्।

"यो दु:खद र भयावह घटना हो। तीन जना सुरक्षाकर्मीको निधनले सम्पूर्ण राष्ट्रलाई स्तब्ध बनाएको छ," महान्यायाधिवक्ता बोन्डीले लेखेकी छिन्।

अमेरिकी संघीय अनुसन्धान एजेन्सी (FBI) र लस एन्जलस प्रहरीले संयुक्त रूपमा घटनाको अनुसन्धान गरिरहेको जनाइएको छ। प्रारम्भिक रिपोर्टअनुसार घटनास्थलमा सुरक्षा संवेदनशील सामग्री रहेको अनुमान गरिएको छ, जसले विस्फोटमा भूमिका खेलेको हुनसक्ने आशंका गरिएको छ।

घटनापछि तालिम केन्द्र वरिपरि कडा सुरक्षा सतर्कता अपनाइएको छ भने उक्त क्षेत्रमा सर्वसाधारणको आवागमन समेत निषेध गरिएको छ।

👉 अनुसन्धान जारी रहेको र घटनाको थप विवरण औपचारिक रूपमा सार्वजनिक गरिने बताइएको छ।

• Jigyasanepal