काठमाडौं, माघ २ । राष्ट्रिय स्वतन्त्र पार्टी (रास्वपा) का सभापति रवि लामिछानेले ६० लाख रुपैयाँ धरौटी बुझाएर काठमाडौं जिल्ला अदालतबाट रिहा भएका छन्।
काठमाडौं जिल्ला अदालतका न्यायाधीश माधवप्रसाद अधिकारीको एकल इजलासले उनलाई धरौटीमा छाड्ने आदेश दिएको थियो। आदेश लगत्तै लामिछानेले बैंक ग्यारेन्टीमार्फत धरौटी रकम बुझाएका हुन्।
अन्य प्रकरणमा पनि धरौटीमा छुट
रवि लामिछाने यसअघि पोखराको सूर्यदर्शन सहकारी अनियमितता प्रकरणमा कास्की जिल्ला अदालतले ६५ लाख रुपैयाँ धरौटीमा रिहा गर्न आदेश दिएको थियो।
अन्य अनुसन्धानहरू
बुटवलस्थित इलाका प्रहरी कार्यालयले लामिछानेविरुद्ध रायसहितको अनुसन्धान प्रतिवेदन सरकारी वकिल कार्यालयमा बुझाइसकेको छ।
चितवन जिल्ला प्रहरी कार्यालयले पनि लामिछाने जोडिएको साहारा चितवन सहकारी प्रकरणमा अनुसन्धान गरिरहेको छ।
तर, कास्कीमा धरौटी बुझाएर छुटेका कारण काठमाडौंमा पनि सोही नीति अपनाइएको एक प्रहरी अधिकृतले जानकारी दिएका छन्।
-
Jigyasanepal
