काभ्रे, साउन १३ –
काभ्रेपलाञ्चोकको बेथानचोक गाउँपालिका–५ निवासी ६० वर्षीय सेतेमान भोलनको उपचारको क्रममा काठमाडौंको ट्रमा सेन्टर अस्पतालमा मृत्यु भएको छ। बिहानको दैनिकी अनुसार दुध लिएर डेरीतर्फ जाँदै गर्दा बाटोमै लडेर गम्भीर घाइते भएका भोलनको निधनले गाउँमा शोक छाएको छ।
साउन १३ गते बिहान करिब ८:३० बजे, बेथानचोक गाउँपालिका–३ गोर्खाली टोलस्थित डेरीमा दूध बोकेर जाँदै गर्दा बाटोमै चिप्लिएर लड्दा टाउकोमा गम्भीर चोट लागेको थियो। तुरुन्तै उनका छोरा सुदीप भोलन ले घाइते अवस्थामै उनलाई काठमाडौंस्थित ट्रमा सेन्टर पुर्याएका थिए। तर, बिहान करिब १०:४० बजे चिकित्सकले उहाँलाई मृत घोषित गरेका थिए।
घटनाको जानकारी प्राप्त भएपछि प्रहरी चौकी ढुङखर्क, काभ्रेबाट टोली अस्पताल खटिएको थियो। प्रारम्भिक अनुसन्धानका अनुसार, बाटो चिप्लो भएकाले लडेर गम्भीर चोट लागेको देखिन्छ। स्थानीय डेरीसम्म दूध पुर्याएर जीविकोपार्जन गरिरहेका सेतेमान भोलन जस्ता वृद्धहरूको श्रमशील जीवनशैलीले गाउँमा प्रेरणा मिलेको छ । तर, सोही मेहनतकै क्रममा घटेको दुर्घटनाले गाउँलेहरू स्तब्ध छन्।
-
Jigyasanepal
