भदौ १२, २०८२ बिहिबार | कञ्चनपुर
डडेल्धुरामा बिहीबार बिहान भएको जिप दुर्घटनाले एकै वडालाई शोकमग्न बनाएको छ।
नवदुर्गा गाउँपालिका–५ का चार जनाको मृत्यु भएको छ भने ६ जना घाइते भएका छन्।
मृत्यु हुने
सुरेश साउद (१८ वर्ष)
सुरेश पार्की (२३ वर्ष)
तारा अवस्थी (४० वर्ष, शिक्षक – भूमिराज आधारभूत विद्यालय, चौड)
कलावती साउद (७२ वर्ष)
घाइते हुने
सुशीला विक (१८ वर्ष)
प्रतीक पार्की (४ वर्ष)
चन्द्रबहादुर साउद (४८ वर्ष)
गणेशबहादुर साउद (४२ वर्ष)
प्रकाश विक (४४ वर्ष)
रामबहादुर साउद (३५ वर्ष, चालक)
घाइतेहरूको उपचार अहिले डडेल्धुरा अस्पतालमा भइरहेको प्रहरीले जनाएको छ।
दुर्घटनाको विवरण
जिल्ला प्रहरी कार्यालय डडेल्धुराका प्रहरी निरीक्षक डम्बर विष्टका अनुसार,
से १ ज ७३८ नम्बरको जिप नवदुर्गा–५ चौडको कच्ची सडकमा दुर्घटनामा परेर करिब ५०० मिटर तल जंगलमा खसेको हो।
दुर्घटनाको कारणबारे अनुसन्धान भइरहेको प्रहरीको भनाइ छ।
गाउँ शोकमा
मृतकमध्ये तारा अवस्थी शिक्षक भएकाले विद्यालय समुदायसमेत शोकाकुल बनेको छ।
एउटै वडाका चार जना ज्यान गुमाउँदा नवदुर्गा गाउँपालिका–५ मा स्तब्ध वातावरण छाएको छ।
-
Jigyasanepal
