सर्लाही । सर्लाहीको बलरा नगरपालिका–६ मिर्जापुरकी १६ वर्षीया रंगिला कुमारी बैठाको शनिबार स्थानीय मनुसमारा खोलामा डुबेर मृत्यु भएको छ।
जिल्ला प्रहरी कार्यालय सर्लाहीका अनुसार, घाँसको भारी बोकेर घर फर्कंदै गरेकी उनी पुरानो मनुसमारा खोला तर्ने क्रममा चिप्लिएर खोलामा खसेकी थिइन्। खसेपछि जलकुंभीमा टाउको अड्किँदा डुबेर मृत्यु भएको बताइएको छ।
घटनाको जानकारी पाएपछि अर्नाहा र इलाका प्रहरी कार्यालय गडहरियाबाट प्रहरी निरीक्षक ज्जवल कार्कीको कमाण्डमा टोली घटनास्थल पुगेको थियो।
किशोरीको शव परीक्षणका लागि प्रादेशिक अस्पताल मलंगवा लगिएको छ। घटनाबारे थप अनुसन्धान जारी रहेको प्रहरीले जनाएको छ।
-
Jigyasanepal
