काठमाडौं । राजधानीको महाराजगञ्जमा जेनजी आन्दोलनको क्रममा भएको आक्रमणमा प्रहरी वृत्तमा कार्यरत दुई सुरक्षाकर्मीको मृत्यु भएको छ । मंगलबार भएको प्रदर्शन अचानक हिंस्रक बन्दै जाँदा प्रहरीमाथि सीधा आक्रमण भएको र त्यसकै क्रममा दुई जना प्रहरी ज्यान गुमाउन पुगेका हुन् ।
नेपाल प्रहरीका केन्द्रीय प्रवक्ता तथा डीआईजी विनोद घिमिरेले घटनाको पुष्टि गर्दै मृतकमध्ये एक जना असई (सहायक निरीक्षक) र अर्का एक जना प्रहरी रहेको जानकारी दिएका छन् ।
घटनाबारे थप विवरण संकलन भइरहेको भन्दै घिमिरेले अन्य ठाउँमा पनि सुरक्षाकर्मीमाथि आक्रमण भएको जानकारी आएको तर अहिलेसम्म बाँकी मृत्यु वा सम्पर्कविहीन प्रहरीबारे यकिन विवरण आउन नसकेको स्पष्ट पारे ।
जेनजी आन्दोलनसँगै राजधानी लगायतका स्थानमा बढ्दै गएको हिंस्रक गतिविधिले सुरक्षा निकायमा गम्भीर चुनौती सिर्जना गरेको देखिएको छ ।
-
Jigyasanepal
