काठमाडौं, चैत ३० । "ग्रामिण भूगोल, किसान र भुइँमान्छेका कथालाई केन्द्रमा राख्दै अगाडि बढिरहेको एक सशक्त मिडिया - च्छोरोल्पा डटकम", वरिष्ठ संगीतकार तथा समाजसेवी शोभित उप्रेतीले यस्तै भाव व्यक्त गरे च्छोरोल्पा मिडिया प्रा.लिको वार्षिकोत्सव समारोहमा।

 च्छोरोल्पा मिडिया प्रा.लिले शनिबार काठमाडौंको होटल तपस, बत्तिसपुतलीमा आयोजना गरेको ‘सैलुङ सांस्कृतिक उत्सव २०८१’ एक भव्य र सिर्जनात्मक कार्यक्रमका रूपमा सम्पन्न भएको छ। कार्यक्रमको प्रमुख अतिथि तथा एसएस फाउन्डेशनका अध्यक्ष शोभित उप्रेतीले च्छोरोल्पा मिडियाको नामलाई ‘पौराणिक र एक सृष्टि केन्द्रित’ को रूपमा टिप्पणी गर्दै यसको गतिविधिलाई ‘ग्रामिण, किसान र भुइमान्छे केन्द्रित’ भएकोमा प्रसंशा गरे।

कार्यक्रममा उप्रेतीले भने, "यस्ता मिडिया नै देशको सक्कली आवाज बन्छन्, किनभने यिनको दृष्टि शहरका चिल्ला सडकमा होइन, गाउँका भेल र बारीमा हुन्छ।"

समारोहमा नेपाली लोकसंगीतका धरोहर, चर्चित गायक बमबहादुर कार्कीलाई विशेष अभिनन्दन गरियो भने, कलाकार महत जीलगायत समाजका विभिन्न क्षेत्रका विशिष्ट व्यक्तित्वहरूलाई सम्मान गरियो।

कार्यक्रममा साहित्य, संगीत, समाजसेवा, पत्रकारिता र मनोरञ्जन क्षेत्रका विशिष्ट श्रष्टाहरूको उल्लेखनीय उपस्थिति रहेको थियो। सांस्कृतिक उत्सवको अवसरमा लोकदोहोरी, नृत्य तथा जीवन्त प्रस्तुतीहरूले माहोल झनै रौशन बनाएको थियो।

सम्मान, सिर्जना र संकल्पको सम्मिलन बनेको यो समारोह च्छोरोल्पा मिडिया डटकमको यात्राको एक ऐतिहासिक मोडका रूपमा चिनिएको छ। 

• Jigyasa media